Наш опрос |
|
|
Главная » 2012 » Ноябрь » 9 » В ожидании кончины Псалом 38
17:33 В ожидании кончины Псалом 38 |
Рех: сохраню пути моя, еже не согрешати ми языком моим:
положих устом моим хранило, внегда востати грешному предо мною. Онемех
и смирихся, и умолчах от благ, и болезнь моя обновися. Согреяся сердце
мое во мне, и в поучении моем разгорится огнь. Глаголах языком моим:
скажи ми, Господи, кончину мою и число дней моих, кое есть, да разумею,
что лишаюся аз? Се пяди положил еси дни моя, и состав мой яко ничтоже
пред Тобою, обаче всяческая суета всяк человек живый. Убо образом ходит
человек, обаче всуе мятется: сокровищствует, и не весть, кому соберет
я. И ныне кто терпение мое, не Господь ли? И состав мой от Тебе есть.
От всех беззаконий моих избави мя, поношение безумному дал мя еси. Онемех
и не отверзох уст моих, яко Ты сотворил еси. Отстави от мене раны Твоя:
от крепости бо руки Твоея аз изчезох. Во обличению; о беззаконии наказал
еси человека и истаял еси, яко паучину, душу его: обаче всуе всяк человек.
Услыши молитву мою, Господи, и моление мое внуши, слез моих не премолчи:
яко пресельник аз есмь у Тебе и пришлец, якоже вси отцы мои. Ослаби
ми, да почию, прежде даже не отыду, и ктому не буду.
|
Категория: Смерть и поминовение усопших |
Просмотров: 561 |
Добавил: Admin
| Рейтинг: 0.0/0 |
|
|
|