Наш опрос |
|
|
Главная » 2012 » Октябрь » 29 » Молитвы пред иконами Божией Матери "Умиление"
15:04 Молитвы пред иконами Божией Матери "Умиление" |
Приими, всеблагомощная, Пречистая Госпоже Владычице
Богородительнице, сия честные дары, Тебе единей прикладныя, от нас,
недостойных рабов Твоих: от всех родов избранная, всех тварей небесных
и земных высшая явльшаяся, понеже бо Тебе ради бысть Господь Сил с нами,
и Тобою Сына Божия познахом и сподобихомся святаго Тела Его и пречистыя
Крове Его; темже блаженна еси в родех родов, Богоблаженная, Херувимов
светлейши и Серафимов честнейши сущая. И ныне, всепетая Пресвятая Богородице,
не престай молящися о нас, недостойных рабех Твоих, еже избавитися нам
от всякаго совета лукаваго и всякаго обстояния и сохранитися нам неврежденным
от всякаго ядовитаго прилога диавольскаго; но даже до конца молитвами
Твоими неосужденных нас соблюди, яко да Твоим заступлением и помощию
спасаеми, славу, хвалу, благодарение и поклонение за вся в Троице Единому
Богу и всех Создателю возсылаем, ныне и присно, и во веки веков. Аминь.
|
Категория: Молитвы о болящих и путешествующих |
Просмотров: 648 |
Добавил: Admin
| Рейтинг: 0.0/0 |
|
|
|